О́skemen qalasynda aýa sapasynyń nasharlaýyna baılanysty erteń mektep oqýshylary qashyqtan oqytý formatyna aýystyryldy, dep habarlaıdy Egemen.kz
YK-news.kz málimetinshe, 2026 jylǵy 16 aqpanda qaladaǵy barlyq mektep oqýshylary úıden oqıdy.
«Erteń 0-11 synyp oqýshylarynyń eki aýysymy da qashyqtan oqıdy. Mundaı sheshim ekinshi dárejeli qolaısyz meteorologııalyq jaǵdaılardyń saqtalýyna baılanysty qabyldandy», delingen habarlamada.
Qolaısyz meteorologııalyq jaǵdaılar – bul atmosferanyń jerge jaqyn qabatynda zııandy (lastaýshy) zattardyń jınalýyna yqpal etetin qysqa merzimdi meteorologııalyq faktorlardyń (jelsizdik, álsiz jel, tuman, aýa ınversııasy) jıyntyǵy.
Elimizdiń on qalasynda aýa sapasy nasharlaıdy